(Melodie: Mir Kölsche mir klevve
wie der Düvel am Levve)

Wenn dir irgendwer sät
für uns Flüss wör et längs ze spät,
un wenn irgendwer meint
et wör alles am Eng,
luur Altmühl un Tauber,
die sinn doch rech sauber,
bei Sülz und bei Bröl
is e janz joot Geföhl.


Refrain

Denn mir Paddler us Kölle
Jon op jück wenn mer welle,
uns Paddler us Kölle hält nix lang zohuus;
ob Wettkampf, ob Wanderfahrt,
jeder op sing Art,
me weed nie janz drüsch,
wemmer Zochvojel is.


Wenn de morje kein Zick mi kriss,
weil dich die Arbeit friss,
wenn de morjens fröh denks
et weed alles zo vill,
mim Boot op em Dach hin
no Bach an de Sieg rin
do weste zwar nass
doch häste vill Spaß.

Denn mir Paddler  us Kölle
...

Wenn de morje kein Sunn mitkriss,
weil et am räne is,
wenn de morjens fröh denks
du  wörs jetz jän doheim,
dann loß dich nicht hänge
un hür op ze schänge
als wenn dat e Maleur
für ne Zugvogel wör.

Denn mir Paddler us Kölle
...

Wenn de denks et wör jeden Dach
Immer die selbe Sach,
wenn du dich dann  fröchs
wie sull dat wigger jon,
dann hür op zo klage
un loß et dir sage
kei Wehr is zo fies
un kei Wasser zo wies.

Denn mir Paddler us Kölle
...

Wenn de irgendwann einer siehs,
der nur noch müßig is,
dann weed das bestemp
keine Zochvojel sinn.
Ob Weichsel, ob Rur,
dä is immer op Tour,
denn et es janit schläch,
wemmer sich vill bewäch.

Denn mir Paddler us Kölle
....

Wemmer einmal no  boven jon,
am Himmelspötsje ston,
dann musste net gläuve
et wör jetz vorbei;
denn do trick der Petrus
ne Fluß us em Hot rus,
dä häste im Levve
noch niemols jesinn.

Dä kennt  Paddler us Kölle
Un wees wat die welle,
mät Paddlern us Kölle
noch janz jän en Freud.
Von Kölle am Ring us
fahrn die in de Welt ruus
Die Fott is stets naß
Un et  Näschen nie blaß.

Denn mir Paddler us Kölle
...